Inflammation is part of the biological response of body tissues to harmful stimuli, such as pathogens, damaged cells, or irritants. The five cardinal signs are heat, pain, redness, swelling, and loss of function.

അണുക്കൾ, മുറിവുകൾ, കേടുപാടുകൾ സംഭവിച്ച കോശങ്ങൾ, പലതരം പ്രകോപനങ്ങൾ തുടങ്ങിയവയിൽ നിന്ന് ശരീരത്തിന് ആകെയോ ശരീരഭാഗങ്ങൾക്ക് വിശേഷിച്ചോ ഉണ്ടാവുന്ന ഹാനികളെത്തുടർന്ന് രക്തകലകളിൽ നിന്നുണ്ടാകുന്ന സങ്കീർണമായ ജൈവപ്രതികരണങ്ങളുടെ ആകെത്തുകയെ ആണ് കോശജ്വലനം എന്ന് പറയുന്നത്. ഹാനികാരകമായ ഉല്പ്രേരകങ്ങളെ നീക്കം ചെയ്യാനും കലകളിലെ കേടുപാടുകളെയും മുറിവുകളെയും പൊറുപ്പിക്കാനുമുള്ള പ്രക്രിയയുടെ ഭാഗമായാണു ജീവജാലങ്ങളിൽ കോശജ്വലനം നടക്കുന്നത്. അതുകൊണ്ടുതന്നെ ഇതിലെ ജൈവ കരണപ്രതികരണങ്ങൾ വളരെയധികം ഘടകങ്ങളാൽ സൂക്ഷ്മമായി നിയന്ത്രിക്കപ്പെടുന്നുണ്ട്. കോശജ്വലനപ്രക്രിയയുടെ അഭാവത്തിൽ മുറിവുകളും അണുബാധകളും പൊറുക്കുന്നത് താമസിക്കുന്നു. കോശജ്വലനം അമിതമാകുമ്പോഴാകട്ടെ അത് മുഖക്കുരു മുതൽ സന്ധിവാതമോ അഥീറോസ്ക്ലീറോസിസോ ആസ്മയോ വരെയുള്ള രോഗങ്ങൾക്ക് കാരണമാകാറുമുണ്ട്.