ಬೆತ್ತವು ಅರೆಕೇಸೀ (ಪಾಮೀ) ಕುಟುಂಬಕ್ಕೆ ಸೇರಿದ ಉಪಯುಕ್ತ ಸಸ್ಯ. ಜಾತಿಯ ವೈಜ್ಞಾನಿಕ ಹೆಸರು ಕೆಲಾಮಸ್. ಇದರಲ್ಲಿ ಸುಮಾರು 390 ಪ್ರಭೇದಗಳಿವೆ. ಎಲ್ಲವೂ ಉಷ್ಣ ಮತ್ತು ಉಪೋಷ್ಣ ವಲಯಗಳ ಕಾಡುಗಳಲ್ಲಿ ಸ್ವಾಭಾವಿಕವಾಗಿ ಬೆಳೆಯುವುವು. ಭಾರತದಲ್ಲಿ ಸುಮಾರು 30 ಪ್ರಭೇದಗಳು ಕಾಣಸಿಗುವುವು. ಇವು ಹಿಮಾಲಯ ಪರ್ವತ ಪ್ರದೇಶ, ಅಸ್ಸಾಮ್, ಕೇರಳ ಹಾಗೂ ಕರ್ನಾಟಕದ ಕೊಡಗಿನ ಅರಣ್ಯಗಳಲ್ಲಿ ಬೆಳೆಯುತ್ತವೆ. ಇವುಗಳಲ್ಲಿ ಪ್ರಮುಖವಾದವು ಇಂತಿವೆ: ಕೆಲಾಮಸ್ ರೊಟಾಂಗ್, ಕೆಲಾಮಸ್ ಅಂಡಮಾನಿಕಸ್, ಕೆಲಾಮಸ್ ಫ್ಲಾಜೆಲ್ಲಮ್ (ಅಸ್ಸಾಮ್) ಮತ್ತು ಕೆಲಾಮಸ್ ಲ್ಯಾಟಿಫೋಲಿಯಸ್. ಎಲ್ಲ ಪ್ರಭೇದಗಳೂ ಬಳ್ಳಿಗಳು; ತಮ್ಮ ಎಲೆ, ಎಲೆಕವಚಗಳ ಮೇಲಿರುವ ಕೊಕ್ಕೆಯಂತೆ ಮುಳ್ಳುಗಳ ನೆರವಿನಿಂದ ಎಲೆಯ ಮಧ್ಯನರದ ಪ್ರವರ್ಧನದಿಂದ ರಚಿತವಾಗುವ ತಂತುಗಳ ಸಹಾಯದಿಂದ ಕಾಡಿನ ಮರಗಳ ಮೇಲೆ ಏರುತ್ತ ಬೆಳೆಯುವುವು. ಈ ಗಿಡಗಳ ಕಾಂಡವೇ ಬಲುಬಳಕೆಯ ಬೆತ್ತ. ಕೆಲವೊಮ್ಮೆ ಕಾಂಡ 100 ಮೀ ಉದ್ದವಿರುವುದೂ ಉಂಟು. ಕಾಂಡ ಉರುಳೆಯಾಕಾರದ್ದಾಗಿದ್ದು ಅಡಿಯಿಂದ ಮೇಲಿನವರೆಗೂ ಒಂದೇ ದಪ್ಪಕ್ಕಿರುತ್ತದೆ. ಇದರ ಮೇಲೆ ಎಲೆಕವಚದ ಮುಳ್ಳುಗಳಿವೆ. ಕಾಂಡ ಅಗಿ ಗಟ್ಟಿ; ಸ್ವಲ್ಪ ಮಟ್ಟಿನ ಸ್ಥಿತಿಸ್ಥಾಪಕ ಗುಣವುಳ್ಳದ್ದು. ಕಾಂಡದ ಹೊರಮೈಮೇಲೆ ಸಿಲಿಕ ಎಂಬ ರಾಸಾಯನಿಕ ವಸ್ತುವಿನ ಸಂಗ್ರಹವಿದ್ದು, ಇದರಿಂದಾಗಿ ಕಾಂಡಕ್ಕೆ ಹೊಳಪು ಮತ್ತು ನಯ ಲಭಿಸಿವೆ. ಕಾಂಡದ ಬಣ್ಣ ಹಳದಿ.

Calamus is a genus of flowering plants in the palm family Arecaceae that is one of several genera known as rattan palms. There are an estimated 400 species in this genus, all native to tropical and subtropical Asia, Africa, and Australia.