തലമറയ്ക്കുന്ന വസ്ത്രത്തിനെയാണ് ശിരോവസ്ത്രം എന്നു പറയുക. പല സമൂഹങ്ങളിലും നാട്ടാചാരത്തിന്റെയും സംസ്കാരത്തിന്റെയും മതവിശ്വാസത്തിന്റെയും ഭാഗമായി തലമറയ്ക്കുന്നു. ഇസ്‌ലാമിൽ സ്ത്രീകൾക്ക് തലമറയ്ക്കൽ നിർബന്ധമാണ്. 'മഫ്ത' എന്നാണ് ഈ വസ്ത്രത്തിന് പറയുന്ന പേര്. മക്കന, തട്ടം എന്നിവ കേരളത്തിലെ മുസ്‌ലിം സ്ത്രീകളുടെ സാംസ്കാരിക അടയാളമായി ഗണിക്കപ്പെടുന്നു. മത ചിഹ്നമായി മുസ്‌ലിം സ്ത്രീകളിലാണ് ശിരോവസ്ത്രം വ്യാപകമെങ്കിലും ജൂത -ക്രൈസ്തവ മതങ്ങളിലും ശിരോവസ്ത്രം നിർദ്ദേശിക്കപ്പെടുന്നുണ്ട്. മധ്യകാല യൂറോപ്പിൽ വിവാഹിതരായ സ്ത്രീകളുടെ അടയാളമായി ശിരോവസ്ത്രം ഉപയോഗിച്ചിരുന്നു. യൂറോപ്പിലെ ചില ക്രൈസ്തവ വിഭാഗങ്ങൾ ഇപ്പോഴും ശിരോവസ്ത്രമുപയോഗിക്കുന്നുണ്ട്. ക്രൈസ്തവ സന്ന്യാസിനീ സമൂഹങ്ങളിൽ മിക്കവയുടെയും ഔദ്യോഗിക വേഷക്രമത്തിൽ ശിരോവസ്ത്രവും ഉൾപ്പെടുന്നു. ചില രാജ്യങ്ങളിൽ വേഷവിധാനത്തിന്റെ ഭാഗമായി പുരുഷൻമാരും ശിരോവസ്ത്രം ധരിക്കാറുണ്ട്. അറബ് രാജ്യങ്ങളിലെ പുരുഷന്മാരുടെ പരമ്പരാഗത വേഷവിധാനം ഇതിനൊരു ഉദാഹരണമാണ്. സിക്ക് മതക്കാരിൽ പുരുഷന്മാർക്കും ശിരോവസ്ത്രധാരണം കർശനമാണ്. ശിരോവസ്ത്രധാരണത്തിൽ ചില യൂറോപ്യൻ രാജ്യങ്ങൾ ഏർപ്പെടുത്തിയ നിയന്ത്രണങ്ങൾ അന്താരാഷ്ടതലത്തിൽ വിവാദങ്ങളായിട്ടുണ്ട്. ഇന്ത്യയിലും ചില വിദ്യാലയങ്ങളിൽ ശിരോവസ്ത്രധാരണത്തിന്റെ പേരിൽ വിവാദങ്ങൾ നിലനിൽക്കുന്നുണ്ട്.

A headscarf is a scarf covering most or all of the top of a person's, usually women's, hair and head, leaving the face uncovered. A headscarf is formed of a triangular cloth or a square cloth folded into a triangle, with which the head is covered.