Surrealism is an art and cultural movement that developed in Europe in the aftermath of World War I in which artists aimed to allow the unconscious mind to express itself, often resulting in the depiction of illogical or dreamlike scenes and ideas. Its intention was, according to leader André Breton, to "resolve the previously contradictory conditions of dream and reality into an absolute reality, a super-reality", or surreality. It produced works of painting, writing, theatre, filmmaking, photography, and other media as well.

1920-കളുടെ മദ്ധ്യത്തിൽ ആരംഭിച്ച കലാ പ്രസ്ഥാനമാണ് സർറിയലിസം. ഈ പ്രസ്ഥാനത്തിലെ അംഗങ്ങളുടെ ദൃശ്യ കൃതികൾക്കും രചനകൾക്കുമാണ് സർറിയലിസം പ്രസിദ്ധം. ആശ്ചര്യത്തിന്റെ കളി, അവിചാരിതമായ കൂട്ടിച്ചേർക്കലുകൾ, നോൺ സെക്വിറ്റർ, തുടങ്ങിയവ സർറിയലിസ്റ്റ് കൃതികളുടെ പ്രത്യേകതയാണെങ്കിലും സർറിയലിസ്റ്റ് കലാകാരന്മാർ തങ്ങളുടെ കൃതികളെ സർറിയലിസ്റ്റ് തത്ത്വചിന്താധാരയുടെ പ്രകാശനമായും കൃതി അതിന്റെ ഒരു ഭാഗമായും മാത്രം കരുതുന്നു. സർറിയലിസ്റ്റ് പ്രസ്ഥാനത്തിന്റെ നേതാവായ ആന്ദ്രെ ബ്രെട്ടൺ സർറിയലിസം എല്ലാത്തിനും ഉപരി ഒരു വിപ്ലവപ്രസ്ഥാനം ആണെന്ന് പ്രഖ്യാപിച്ചു. അനേകം പ്രസിദ്ധ ചിത്രകാരന്മാർ സർറിയലിസ്റ്റ് വീക്ഷണഗതി അംഗീകരിക്കുകയും ഒരു പ്രസ്ഥാനമായി അതിനെ വളർത്തുകയും ചെയ്തു. എങ്കിലും ആ പ്രസ്ഥാനത്തിൽ അംഗങ്ങളല്ലാതിരുന്ന പ്രശസ്ത സ്പാനിഷ് ചിത്രകാരൻമാരായ ഡാലിയുടെയും പിക്കാസോയുടെയും ചിത്രങ്ങളാണ് സർറിയലിസത്തിന്റെ മഹത്തായ ദൃഷ്ടാന്തങ്ങളായി ലോകം മുഴുവൻ അറിയപ്പെടുന്നത്. ഇരുപതാം ശതകത്തിലെ നാടകവേദിയിൽ സർറിയലിസം വമ്പിച്ച പരിവർത്തനങ്ങൾ വരുത്തി. നാടകത്തിനു പുറമെ കവിത, കഥ, നോവൽ എന്നീ സാഹിത്യരൂപങ്ങളിലും സർറിയലിസ്റ്റ് സമീപനം പുതിയ പരീക്ഷണങ്ങൾക്ക് വഴിതെളിച്ചിട്ടുണ്ട്. ഫ്രാൻസ് കാഫ്കയുടെ കഥകളിലും നോവലുകളിലും ലൂയി ബന്യൂവലിന്റെ ചലച്ചിത്രങ്ങളിലും സർറിയലിസ്റ്റ് മാതൃകയിലുളള അതീതകല്പനകൾ നിർണായകമായ പങ്കു വഹിക്കുന്നു. ഏഞ്ജൽ'സ് എഗ്ഗ്, എൽ ടോപ്പോ തുടങ്ങിയ ചലച്ചിത്രങ്ങളെയും ഈ കലാ പ്രസ്ഥാനം സ്വാധീനിച്ചു.