നാസികാകോടരത്തേയും വായയേയും തമ്മിൽ വേർതിരിക്കുന്ന ഭിത്തിയെ അണ്ണാക്ക് (Palate) എന്നു പറയുന്നു. ഇതിന് കട്ടിയുള്ള ഒരു മുൻഭാഗവും മൃദുവായ ഒരു പിൻഭാഗവും ഉണ്ട്. കാഠിന്യമുള്ള മുൻഭാഗം അസ്ഥികൊണ്ടുള്ളതും അതിന്റെ രണ്ടു പ്രതലങ്ങളും ശ്ലേഷ്മസ്തരംകൊണ്ടു മൂടപ്പെട്ടതുമാണ്. വായ്ക്കുള്ളിലെ പ്രതലം ഉള്ളിലേക്കു വളഞ്ഞിരിക്കും (concave). മൃദുഅണ്ണാക്കിന്റെ മുൻഭാഗം ദൃഡഅണ്ണാക്കിന്റെ പിൻഭാഗത്തോടു യോജിക്കുന്നു. മൃദുഅണ്ണാക്കിന്റെ പിൻഭാഗം സ്വതന്ത്ര സീമാന്തം (border) ആയിട്ടാണ് അവസാനിക്കുന്നത്. ഇതിന്റെ മധ്യഭാഗം ഒരു ചെറുവിരലിന്റെ ആകൃതിയിൽ താഴോട്ടു നീണ്ടുനില്ക്കുന്നു. ഇതിനെ ഉവുല (uvula) എന്നുപറയുന്നു. മൃദുഅണ്ണാക്കിൽ പേശികളുണ്ട്. വായിലൂടെ ആഹാരം കടന്നുപോകുമ്പോൾ അണ്ണാക്കിന്റെ പിൻഭാഗം തൊണ്ടയിൽ ചെന്ന് തട്ടുകയും നാസാഗഹ്വരവുമായുള്ള ബന്ധം വിച്ഛേദിക്കുകയും ചെയ്യുന്നു. ശബ്ദോച്ചാരണത്തിലും അണ്ണാക്ക് ഗണ്യമായ സ്വാധീനം ചെലുത്തുന്നുണ്ട്.

The palate is the roof of the mouth in humans and other mammals. It separates the oral cavity from the nasal cavity. A similar structure is found in crocodilians, but in most other tetrapods, the oral and nasal cavities are not truly separated. The palate is divided into two parts, the anterior, bony hard palate and the posterior, fleshy soft palate.