ಕೀಲೆಣ್ಣೆಯು ಸಾಮಾನ್ಯವಾಗಿ ಜೈವಿಕವಾದ, ಪರಸ್ಪರ ಸಂಪರ್ಕದಲ್ಲಿರುವ ಮೇಲ್ಮೈಗಳ ನಡುವಿನ ತಿಕ್ಕಾಟವನ್ನು ಕುಗ್ಗಿಸಲು ಪರಿಚಯಿಸಲಾಗುವ ವಸ್ತು. ಇದು ಅಂತಿಮವಾಗಿ ಮೇಲ್ಮೈಗಳು ಚಲಿಸಿದಾಗ ಉತ್ಪತ್ತಿಯಾದ ಉಷ್ಣವನ್ನು ಕಡಿಮೆ ಮಾಡುತ್ತದೆ. ಇದು ಬಲಗಳನ್ನು ಸಾಗಿಸುವ, ಬಾಹ್ಯ ಕಣಗಳನ್ನು ಸಾಗಿಸುವ, ಅಥವಾ ಮೇಲ್ಮೈಗಳನ್ನು ಬಿಸಿಮಾಡುವ ಅಥವಾ ತಂಪುಗೊಳಿಸುವ ಕಾರ್ಯವನ್ನು ಕೂಡ ಹೊಂದಿರಬಹುದು. ಘರ್ಷಣೆಯನ್ನು ಕಡಿಮೆ ಮಾಡುವ ಗುಣವನ್ನು ಜಾರಿಕೆ ಎಂದು ಕರೆಯಲಾಗುತ್ತದೆ. ಔದ್ಯೋಗಿಕ ಅನ್ವಯಗಳ ಜೊತೆಗೆ, ಕೀಲೆಣ್ಣೆಗಳನ್ನು ಅನೇಕ ಇತರ ಉದ್ದೇಶಗಳಿಗೆ ಬಳಸಲಾಗುತ್ತದೆ. ಇತರ ಬಳಕೆಗಳಲ್ಲಿ ಅಡುಗೆ, ಮಾನವರ ಮೇಲೆ ಜೈವಿಕ ಅನ್ವಯಗಳು, ಶ್ರವಣಾತೀತ ಧ್ವನಿ ಬಳಕೆಯ ಪರೀಕ್ಷೆ, ವೈದ್ಯಕೀಯ ಪರೀಕ್ಷೆ ಸೇರಿವೆ.